Muggagitter uff Maß
An a Muggagitter denksch erscht wen dr dia Sauviecher so granda mäßig uff dr Goischt gangad, das scho nemme schee isch. Koi Fenschtr, koi Türa kosch offa lassa ohne das dia Lombadierer do rei kommed ond´s Licht kosch au ned brenna lassa. Ond en dr Nacht do furzzed´r dia Viecher om dr Zenka rom ond´s Weib neba dro nervt au no. Ond do sollsch no Gsond ausseha, et guat schlofa, dia scheiß Stich juggad. So gohts net weidr.
Hätsch Muggagitt´r von Gross, no bisch dui Ploga bald los.
NEHER Muggagitter
- Schutz vom Mensch ond dr Natur
- S´Leba ond´s Wohna wird scheener
- hebed ewig, basset, kosch leicht saubr macha, send gfällig, send schee
- koine Schnogga, Mugga, Wefzga em Haus, koine juckende Stich me
- Polla bleibat draußa
- Koi Händischtrahlung
- koine Spenna ond andre Krabbler
- Ihr brauet koi chemisch Lombazuig mehr em Haus
- koine Mäus, koine Ratta oder anderweitige Nager (z.B. Lichtschächt)
- Koi Laub, koin Dreck me en de Lichtschächt
- dia Muggagitter send em Ländle erfonda wora ond kommad usem Ländle
NEHER Muggagitter vom Gross
- Zertifizierter NEHER-Elementpartner
- I ben dr Profi für Muggagitter
- Do macht dr Scheff älles, schwetza, verkaufa, nomacha ond repariera
- I ben pünktlich, agurad ond preiswert
Einsatzgebiete:
Do sodat´r mol drübr nochdenga
Mr muß scho ganz schee stauna wen mr dia Insekta mol genauer ohgugt wia wichtig die send. Dengad bloß a mol and Beena mit dem Honig, der schmeckt oifach guat ond isch au no gsond. Stellat eich mol vor dia Sommsler ond Brommsler dädet von dr Erde verschwenda. Schee saged do manche, no brauchat mr dr Gross mit seine Muggagitter net ond nix schwirrt me omd Nosa.
Wer dät no die Pflanza bestäuba? Dr Mensch? Das i net lach, mir däded des doch gar net no kriga! Wenn dia Insekta verschwended no gibt’s koine Pflanza mehr ond ons bald au nemma.
Muggagitter vom Moischt´r
Sísch oifach schee wemr Frischluft zude Fenschtr ond Türa reilassa ko, bleed isch bloß das Schnogga, Mugga ond anders Oziefer au reikommt ond dauernd o moin rom surrat. Wemr früher gstocha wora isch no hots halt a Hübbele geba ond heut do gschwillt´r dr Stich oh das nemme schee isch. Ond manche Menscha müßat ganz schee Obachd gäba das´se dr Löffel net wegschmeissat. Scho desterwega soddetr gugga dasr eire Fenschtr, Türa ond Lichtschächt mit Muggagitter vom NEHER zu mached. Dia Gitter send oifach schee, sehad guat aus, hebad ewig, send net schwer ond mr ko se leicht omenandr handiera ond gscheit sauber macha. Dr NEHER macht scho so lang Muggagitter dasr wois wia des gohd, jeds von dene Gitter wird oinzeln uff´s gnau gmacht ond no saubr passend montiert. I verkauf net älles megliche, für mi send Muggagitter mei Gschäft ond des äll Dag. Von mir kriaget älles rond oms Muggagitter ond des vom Scheff. Berada, verkaufa, no macha ond richta.
Kundenrezensionen
Ich freue mich auch über Ihre Rückmeldung! Über folgenden Link können Sie eine Google Bewertung abgegben:
Jetzt Rezension schreiben!