Em Keller sod mr aumol a Luft ond a´Licht nei lassa, deswega gibt´s dia Lichtschächt. Lichtschächt wärrad bei os Schwoba natürlich emmer saubr putz, abr trotzdem fällt an haufa Glomb ond Dreck nei ond manchmol au Mäus, Spenna ond Oziefer hots uff älle Fäll ond dia fendsch oifach net weil dia Lombadier oifach verschluppfet.
Ond dasr et ällaweil do na schlupfa miesat zom die Lichtschächt saubr macha sodded´r so a´Abdeckung naufmacha ond guad isch´s.
Ond wer jetzt glaubt mir däddat Rendviecher verkaufa bei denne Noma dia jetzt kommad, der deischt sich granadamäßig.
I ben Lisa (Lichtschachtabdeckung)
Bassend oinzeln gmacht schraubt mr mi am Gitterroscht mit net roschtende Schrauba fescht. Ond das au nix mehr nei kommt hann i onda ond henda woiche Bürschtl dro. Mei Rahma isch wia bei älle meine Schweschtra aus Alu ond mei Gwand isch aus soma netroschtenda Stahl (V2A). Ihr glaubet gar et wia schee i ben, ond wer mi mol hot der kriagt mi nemme los, i ben net zom he macha (außer a Gwaltsmensch kommt ond wird saumäßig grob). Wilsch über me drübr fahra no wird mei Gwand ausma Schdreckmetall gmacht. Uff älle Fäll gibt’s mi en de meglichschte ond omeglichschte Forma.
Mei Schweschter Lisa isch ja wenn´s soicht ned ganz dicht, wen wonderts bei derra irem Gwand schifft´s durch. Mei Gwand isch dergega dicht wenn´s bronzt, i han a´ Polycarbonatplatte do kommt Licht nei abr dr Rega net. Das aber oinaweg Luft neikommt hann i am Hendra so an Kaschta dro. Natürlich krigsch mi au wis brauchsch.
Etz basset mol auf, i ben a ganz a Scheene ond hois Elsa (Elegante Schachtabdeckung)
Meine zwoi Schweschtra hen´r ja scho kenna glernt, guat se send hald a´bissle oifach. I dergegen breng älles mit was dr gfällt, a´schees Gschtelle, a´saubers Gwand ond no ebbes drondr. Am libschta gfällt´s mr uff eirer Terass, sonnig ond warm, i leg mi dir zu deine Füaß ond gug das de ned ens Schtolbra kommsch. Wenn du mi wilsch musch aber deim alta Gitterroscht ade saga, den mog i ned.
Mei große Schweschtr Elsa dui eigebildata Kua strackt am liebschta uff dene Stoiterrassa rom ond verkält sich ällemol ganz sch der Arsch. I mog ja ganz arg Holz, do gfällt´s mir am beschta ond semmr doch mol ehrlich, erscht durch mi wird so a Holzterrass erscht richtig schee. OK, manchmol do fendet mr mi au auf so oiner Stoiterrass oder als Abdeckung uff ma Lichtschacht.
Ois isch uff älle Fäll klar, mir vier Schweschtra send für älles zom han. A jede von ons zoigt was se ko, ond wenns sei muß, no ko mr os au zomma nemma so wia Ihr´s braucha dädded.
