Übr Mi

Sodele, jetzt verzähl i eich a´bissle ebbes von mir. 1964 ben i als Brandstifter (Eislinger) uffd Welt komma. Noch dem i mit dr Schul fertig war no isch dui schuffterei los ganga. Zerschd han i a Lehr beima Zemmergschäft en Gebenga gmacht  ond 1992 hab i no Moschtrprüafong  abglegt. Ond weil des non et gnuag war no han i au no dr Energieberater gmacht. Dui ganza Arbet hot mi suamäßig gfreut ond hot au spaß gmacht. Ond no hots Kreuz oifach nemme mitmacha wella ond´s war aus andre uffs Dach zom steiga.

Uff älle Fäll war mir schnell klar, das i jetzt mei oigener Scheff sei will ond so isch´s no au komma. Mir send ganz zufällich dia Muggagitter vom NEHER übr dr weg gloffa. Nochdem i no bei Gessler ond Bolch en Ilsfeld selligs mol dui Sach oguggt ond au ebbes drübr glernt hau, war mir schnell klar des will i jetzt macha, vom Zemmermo zom Muggagittermacher.  Ond weil i des scho solang mach ond des au no so, wia des sei muß no isch dr NEHER herganga  ond hot mir dui Auszeichnung als Zertifizierter Partner geba. Des macht mi natürlich saumäßig stolz ond frait mi.

Di Muggaitter di i eich no mach, kriag i vom Gessler ond Bolch aus Ilsfeld. Des isch oiner von de gröschte Partner vom NEHER en Deutschland, em Johr machet dia so om de fuffzgtausend Muggagitter.

Etz muß i mol Danke saga, dem NEHER ond dem Gessler ond Bolch, dia hend oifach klasse Leit ond a´gscheits Produkt ond se send für oin do.

Uff dia zwoi kom´r sich verlasse ond isch net verlassa.

Em NEHER seine Muggagitter send oifach Klasse ond deshalb verkauf i bloß dia  ond koine andre.Em meim Betrieb mach i älles selbr, verzähla, verkaufa, nomacha ond wen mol ebbes hee isch richta.

Wenn´r wissa wellat wo dia Gitt´r gmacht werad  no guggat dr do nei: 

Gessler und Bolch.

Und hier noch ein Video von Herrn Stumpfes Zieh & Zupf Kapelle. Viel Spaß beim anschauen: